ಕಾಂಗ್ರೆಸ್ ಆಡಳಿತವಿರುವ ಶಿರ್ವ ಗ್ರಾಮ ಪಂಚಾಯತ್ ವಿರುದ್ಧ ವಿನಯಕುಮಾರ್ ಸೊರಕೆ ಪ್ರತಿಭಟನೆ ನಡೆಸಿದ್ದು ಹಾಸ್ಯಸ್ಪದ:-ಶಾಸಕ ಲಾಲಾಜಿ ಮೆಂಡನ್ 5-4-2022

ಕಾಪು : ಕಾಂಗ್ರೆಸ್ ಆಡಳಿತದಲ್ಲಿರುವ ಶಿರ್ವ ಗ್ರಾಮ ಪಂಚಾಯತ್ ಕ್ರಮದ ವಿರುದ್ಧ ವಿನಯಕುಮಾರ್ ಸೊರಕೆ ಪ್ರತಿಭಟನೆ ನಡೆಸಿದ್ದು ಹಾಸ್ಯಸ್ಪದವಾಗಿದೆ ಎಂದು ಕಾಪು ಶಾಸಕರಾದ ಲಾಲಾಜಿ ಆರ್ ಮೆಂಡನ್ ಹೇಳಿದ್ದಾರೆ.

ಕರ್ತವ್ಯನಿರತ ಪಂಚಾಯತ್ ಅಭಿವೃದ್ಧಿ ಅಧಿಕಾರಿ ಮೇಲೆ ಹಲ್ಲೆ ನಡೆಸಿದ ಮಾಜಿ ಸಚಿವರ ನಡೆ ಖಂಡನೀಯ, ಸರಕಾರಿ ಅಧಿಕಾರಿ ಮೇಲೆ ದಬ್ಬಾಳಿಕೆ ನಡೆಸಿದ ಕಾಂಗ್ರೆಸ್ ನಡೆ ಪ್ರಜಾಪ್ರಭುತ್ವ ವ್ಯವಸ್ಥೆಯ ಮೇಲೆ ನಂಬಿಕೆ ಇಲ್ಲದಿರುವುದನ್ನು ಎತ್ತಿತೋರಿಸುತ್ತದೆ.

 

ಪ್ರತಿಭಟನಾ ಸ್ಥಳದಲ್ಲಿ ಕಾಂಗ್ರೆಸ್ ಕಾರ್ಯಕರ್ತರು ಹೆಚ್ಚಿನ ಸಂಖ್ಯೆಯಲ್ಲಿದ್ದು ಅವರವರ ತಲ್ಲಾಟದಿಂದಲೇ ಸೊರಕೆಯವರ ಅಂಗಿ ಹರಿದಿದ್ದು. ಈ ಬಗ್ಗೆ ಪಿ.ಡಿ.ಒಯವರೇ ಸ್ಪಷ್ಟನೆ ನೀಡಿದ್ದು, ತನ್ನವರಿಂದಲೇ ಅಂಗಿ ಹರಿಸಿಕೊಂಡು ಸೊರಕೆಯವರು ಹಲ್ಲೆ ನಾಟಕವಾಡಿದ್ದಾರೆ. 

ಕರ್ತವ್ಯ ನಿರತ ಪಿ.ಡಿ.ಒ ಮೇಲೆ ಹಲ್ಲೆ ನಡೆಸಿದ ಘಟನೆಯನ್ನು ಗಂಭೀರವಾಗಿ ಪರಿಗಣಿಸಿ ಸೂಕ್ತಕ್ರಮ ಕೈಗೊಳ್ಳುವಂತೆ ಸರ್ಕಾರಕ್ಕೆ ಹಾಗೂ ಪೊಲೀಸ್ ಇಲಾಖೆಗೆ ಅಗ್ರಹಿಸುತ್ತೇನೆ ಎಂದು ಲಾಲಾಜಿ.ಆರ್.ಮೆಂಡನ್ ಹೇಳಿದ್ದಾರೆ.