ಕುಂದಾಪುರ:-ಬಸ್ರೂರಿನಲ್ಲಿ ಬ್ಯಾಟ್ ಬೀಸಿದ ರಾಕಿಂಗ್ ಸ್ಟಾರ್ ಯಶ್ 2-2-2022

ಕುಂದಾಪುರ : ಜನರ ಮೆಚ್ಚುಗೆಯ ಚಲನ ಚಿತ್ರ ಕೆ.ಜಿ.ಎಫ್ ಬಿಡುಗಡೆಗೆ ಕಾಯುತ್ತಿರುವ ರಾಕಿಂಗ್ ಸ್ಟಾರ್ ನಟ ಯಶ್ ಉಡುಪಿ ಜಿಲ್ಲೆಯ ಕುಂದಾಪುರ ತಾಲೂಕಿನ ಬಸ್ರೂರುನಲ್ಲಿದ್ದು, ಸ್ಥಳೀಯ ಹುಡುಗರೊಂದಿಗೆ ಕ್ರಿಕೆಟ್ ಆಡುವ ಮೂಲಕ ಗಮನ ಸೆಳೆದಿದ್ದಾರೆ.

ಕೆ.ಜಿ.ಎಫ್ ಚಿತ್ರಕ್ಕೆ ಸಂಗೀತ ನಿರ್ದೇಶನ ಮಾಡಿರುವ ಸಂಗೀತ ನಿರ್ದೇಶಕ ರವಿ ಬಸ್ರೂರು ಕೆ.ಜಿ.ಎಫ್ ಸಿನೆಮಾ ಸಂಗೀತಕ್ಕೆ ಫೈನಲ್ ಟಚ್ ನೀಡುತ್ತಿದ್ದಾರೆ ಎಂಬ ಮಾಹಿತಿ ಲಭ್ಯವಾಗಿದೆ.

ರವಿ ಬಸ್ರೂರ್ ಅವರ ಹುಟ್ಟೂರಾದ ಕುಂದಾಪುರ ತಾಲೂಕಿನ ಬಸ್ರೂರ್ ಗೆ ಆಗಮಿಸಿರುವ ಕನ್ನಡ ಸ್ಯಾಂಡಲ್ ವುಡ್ ನ ನಟ ಯಶ್ ತಮ್ಮ ಬಿಡುವಿನ ವೇಳೆ ಸ್ಥಳೀಯ ಯುವಕರೊಂದಿಗೆ ಕ್ರಿಕೆಟ್ ಆಟವಾಡಿ ಕಾಲ ಕಳೆದಿದ್ದಾರೆ.

ಅದಲ್ಲದೆ ಇಂದು ಜಿಲ್ಲೆಯ ಪ್ರಸಿದ್ಧ ಕ್ಷೇತ್ರವಾದ ಆನೆಗುಡ್ಡೆ ಶ್ರೀ ವಿನಾಯಕ ದೇವಸ್ಥಾನಕ್ಕೆ ಆಗಮಿಸಿ ನಟ ಯಶ್ ದೇವರ ದರ್ಶನ ಪಡೆದರು. ಈ ಸಮಯದಲ್ಲಿ ನಟ ಯಶ್ ಅವರನ್ನು ದೇವಸ್ಥಾನದ ವತಿಯಿಂದ ಗೌರವಿಸಲಾಯಿತು.