ಶಿರ್ವ:-ಓವರ್‌ಟೇಕ್ ಮಾಡುವ ಭರದಲ್ಲಿ ಹೋರಿಗೆ ಢಿಕ್ಕಿ ಹೊಡೆದ ಬೈಕ್ ಸವಾರ- ಹೋರಿ ಸಾವು ಬೈಕ್ ಸವಾರ ಗಂಭೀರ

ಉಡುಪಿ:- ಓವರ್‌ಟೇಕ್ ಮಾಡುವ ಭರದಲ್ಲಿ ಬೈಕ್ ಸವಾರ ಹೋರಿಗೆ ಢಿಕ್ಕಿ ಹೊಡೆದ ಘಟನೆ ಶಿರ್ವದ ಬೆಳಪುವಿನಲ್ಲಿ ನಡೆದಿದೆ.ಬೈಕ್ ಸವಾರನನ್ನು ಫರಾನ್ ಅಲಿ ಎಂದು ಗುರುತಿಸಲಾಗಿದೆ.

ನವಾಜ್ ಎನ್ನುವವರು, ಕಳತ್ತೂರಾನಿಂದ ಬೆಳಪು ಕಡೆಗೆ ಬರುವ ವೇಳೆ ಬೆಳಪುವಿನ ಬದ್ರಿಯಾ ಮಸೀದಿ ತಲುಪಿದಾಗ ಇವರ ಪರಿಚಯದ ಫರಾನ್ ಅಲಿ ಎಂಬುವವರು ನವಾಜ್ ಅವರನ್ನು ಓವರ್‌ಟೇಕ್ ಮಾಡುವ ಸಂದರ್ಭ ಈ ಘಟನೆ ನಡೆದಿದೆ.

ಓವರ್‌ಟೇಕ್ ಮಾಡಲು ವೇಳೆ ಫರಾನ್ ಅಲಿ ಹೋರಿಗೆ ಡಿಕ್ಕಿ ಹೊಡೆದಿದ್ದಾರೆ. ಪರಿಣಾಮ ಹೋರಿ ಸಾವನ್ನಪ್ಪಿದ್ದು, ಬೈಕ್ ಸವಾರ ಗಂಭೀರ ಗಾಯಗೊಂಡು ಆಸ್ಪತ್ರೆಗೆ ದಾಖಲಾಗಿದ್ದಾರೆ.

ಈ ಬಗ್ಗೆ ಶಿರ್ವ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ವರದಿ:-ಉಡುಪಿ ಫಸ್ಟ್